استجواب للحكومة حول انفاقها 20 مليون جنيه لرعاية المطربة آمال ماهر

تقدم النائب المعارض رجب هلال حميدة باستجواب برلماني لوزير الإعلام المصري أنس الفقي حول إنحرافات وفساد وإهدار للمال العام في اتحاد الإذاعة والتلفزيون المصري.وينتظر مناقشته خلال الجلسات القادمة.
وتضمن الاستجواب قيام اتحاد الإذاعة والتلفزيون بإنفاق 20 مليون جنيه على رعاية المطربة أمال ماهر كمصاريف سكن ومكياج وملابس وأجور ملحنين ومؤلفين للأغاني التي قامت بأدائها.

وقال النائب إن أغرب ما كشف عنه تقرير أعده الجهاز المركزي للمحاسبات أن اتحاد الإذاعة والتلفزيون كان يشتري فساتين أمال ماهر على حسابه وبلغت تكلفة الفستان الواحد 30 ألف جنيه.
ورصد 4 ملايين جنيه فقط في حسابات وفواتير رسمية كنفقات على المطربة وأخفى 16 مليونا،ورصد الاستجواب 26 حالة فساد بواقع 9حالات في مدينة الإنتاج الإعلامي و15 حالة باتحاد الإذاعة والتلفزيون.

خلص الخبر اللي يحرق الدم واللي قريته في أحد المواقع الإخبارية على كدة، بجد مش لاقية غير كلمة "حسبي الله ونعم الوكيل" "ارحموا من في الأرض يرحمكم من في السماء"، 20 مليون جنيه على أمال ماهر ليه وعشان ايه، دي لو كانت أم كلثوم مكانش اتصرف عليها دة كلووو، فلوس مين دي اللي عمالة تترمى كدة ما هي فلوس الشعب والميزانية العامة للدولة اللي عمالين الميزانية بايظة الميزانية بايظة، ما سألتوش نفسكوا ال 20 مليون دي ممكن تشغل كام شاب من الشباب اللي اضطر انه يلجأ للهجرة الغير مشروعة ويضحي بنفسه ال20 مليون دول كان ممكن ينقذوا كام واحد منهم، ولا ال 20 مليون دول ممكن يعالجوا كام واحد، ولا يعلموا كام طفل، ولا يوصلوا المياه النظيفة النقية الغير ملوثة لبعض القرى دة إحنا لسة من كام شهر سمعنا عن أزمة في قرى بكاملها من مصر مبتوصلهاش مياه لغاية دلوقتي، وفي قرى كمان معندهاش كهرباء برضو لغاية دلوقتي ولا ..ولا..ولا..

وبعدين هيا مش المفروض إن الست "أمال ماهر" يكون عندها منتج هو اللي يتكفل بكل دة...ولسة ما خفي كان أعظم دي أمال ماهر بس أومال الباقيين هيطلع مصروف عليهم كام!!!